النمرة غلط , كل سنة وإنت طيب

حدث هذا المساء وأثناء جلوسى لمتابعة أخبار التاسعة وأمامى فنجان القهوة أن رن الموبايل برقم لا أعرفه , وفتحت الموبايل للرد على المكالمة
- السلام عليكم
صوت همهمة بسيطة
- مين معايا , ألو
رد صوت رجل بدا من صوته الخفيض أنه كبير فى السن
- جرجس معايا
إبتسمت وأنا أرد
- لأ النمرة غلط
وإستدركت بسرعة
- كل سنة وإنت طيب
رد بنرحاب
- وإنت طيب
ثم تابع
- معلش , يعنى عشان ...
- ولا يهمك , اهلا بيك
رد بود
- بس كويس , أهى جت فرصة وإتكلمنا وعيدنا على بعض
- دايما إنشاء الله , كل سنة وإنت طيب
- وإنت بخير ياحبيبى , متشكر قوى
- على إيه , بعودة الأيام
- وإنت طيب , شكرا
- العفو , مع السلامة
- الله يسلمك ياحبيبى , مع السلامة
وأغلقت الخط  وأنا سعيد بأننى قد قمت , وبالصدفة , بتهنئة مواطن مصرى مسيحى لا أعرفه بعد أن قمت بنهنئة كل أصدقائى المسيحيين .
أخوتى فى الوطن , أقباط مصر , كل سنة وإنتم طيبين .